LA UNION – Agtultuloy iti panangisayangkat ti imbestigasyon iti pulisya maipapan iti maipagarup a napasamak a pannakapaltog ti helicopter a nirentahan ni San Antonio, Nueva Ecija Municipal Councilor Renan “Bespren” Ponce Morales a nangiwaras iti kwarta kabayatan ti parada iti piyesta ti ili.
Iti pannakiuman ti Bombo Radyo kenni C/Ins. Marlon Cudal, hepe ti San Antonio Municipal Police Station, kinunana a saan pay a nagre-report idiay istasyonda ni Konsehal Morales.
Sigun kenni Cudal, naammuanda laeng ti impormasyon maipapan ti insidente kadagiti videos nga in-upload ni Morales iti bukodna a Facebook account a nagwarasen iti social media.
Iti inisyal nga imbestigasyon kinuna, idi kalman kabayatan nga adda iti kangitingitan ti parada ti piyesta iti ili ket adda maysa a helicopter a nangiwaras iti kwarta kadagiti tattao.
Iti naisayangkat a validation ti pulisya iti lugar a tuktukuyen ti konsehal a nakapaltugan ti helicopter ken awan met ti nagpaputok iti paltog sadiay malaksid kadagiti nasindiyan a firecrakers.
Agpanpanawagan met ti hepe ti pulisya kenni Morales nga agturong daytoy idiay estasyonda tapno maimbestigaran a nasayaat ti reklamo daytoy.
Kabayatanna, kinumpirma met ti Lionair Incorporated iti Bombo Radyo ti insidente nga ibagbaga ti konsehal a nag-renta daytoy iti helicopter ken nagpatulong metten ti management iti National Bureau of Investigation tapno mangisayangkat ti imbestigasyon.
Kadagiti videos nga ini-uplad ni Morales, kinunana a nagrenta isuna ti helicopter iti Lionair tapno aramaten nga agiwaras ti kwarta iti tangatang nga umabot iti P30,000 para kadagiti kakailyanna nga agramrambak iti piyesta idiay San Antonio.
Ngem, nakalagingitan daytoy nga adda iti nangpaltog iti helicopter a nakasugatan met ti piloto.
“Kanina po nag-post ako ng video na pinaalis ko ang helicopter para maka-pagparade sa ating fiesta. Apparently po, tinawagan ako sa Lionair. At binaril daw po ang ating helicopter at may tama po yong piloto. Sugatan po ngayon. Ang sa akin lang po medyo hindi na po talaga makatarungan ‘yong mga ginagawa sa ating bayan, mga bespren. Dapat po may managot dito sa mga ganitong sitwasyon. Actually, sabi po ng may-ari mismo ng helicopter na mananagot po talaga sila. Mali po yan. A ng hininiling ko lang po sana po ‘yong mga pulis d’yan sa atin sa San Antonio ay magkapagbigay po ng kaalaman kung sino ang may gawa nito,” kinuna ni Konsehal Morales iti video.
