LA UNION – Agtultuloy iti imbestigasyon ti pulisya maipapan iti pannakadungpar ti lugan a nagbanag iti pannakatay ti hog dealer idiay Barangay Damortis, ili ti Sto. Tomas, La Union.
Nabigbig ti biktima a ni Reynaldo de Vera, 60, residente iti syudad ti San Carlos, Pangasinan.
Naammuan ti Bombo Radyo manipud iti Sto. Tomas Police Station, maipagarup a naggapu iti quarintine outpost ti biktima a nagbayad iti permit ken kabayatan a bumalballasiw daytoy iti kalsada ket killaat laengen isuna a nadungpar ti maysa a van.
Naiturong idiay La Union Medical Center ti hog dealer ngem natay met laeng daytoy.
Iti agdama, saan pay nga ammo ti pulisya iti pakabigbigan ti nagmaneho ti van a nakadungpar iti biktima.
