LA UNION – Target ti quad committee a mangbukel ti linteg a mangdusa kadagiti indibiduwal a karaman iti iligal nga aktibidad.
Daytoy iti impaganetget ni House Committee Chairman on Dangerous Drugs Rep. Robert Ace Barbers iti panagrugi ti panagdengngeg ti Quad Committee seknan iti extra judicial killings, iligal nga operasyon ti POGO, illegal drugs, ken panaglabsing iti karbengan pantao.
Segun kenni Barbers trabaho ti komite a mangbukel ti legislative solutions a mangsuporta iti prosecution dagiti indibidwal a karaman iti criminal activities.
Siniguro ni Barbers a desidido iti komite nga awan ti kaluban da a sindikato nga adda iti likod dagiti iligal nga aktibidad tapno maikkan ti hustisiya dagiti mairurumen.
Siniguro pay ni Barbers a saan nga agsardeng ti komite agingga a maamwan ti kinapudno ken matuldukan iti dakes nga aramid.
