BR LA UNION – Nangisayangkat ti surprise inspection iti Philippine National Police-Highway Patrol Group (PNP-HPG) iti lugan dagiti police personnel ken bisita nga adda idiay Kampo Crame, Quezon City.
Daytoy ket kasaruno ti pammilin ni HPG director Col. Hansel Marantan, tapno masiguro nga awan ti police officer nga agus-usar iti tinakaw ken marek-recover a lugan.
Kayat a siguradwen ti HPG nga amin a driver ken pulis a bumisbisita idiay Crame ket addaan ti balido a lisensiya, updated registration, ken dadduma pay a maiyannatop a dokumento.
Agingga 500 a motorsiklo ken 300 a lugan iti na-inspect ti nasao a police unit, ken innem kadagitoy ti addaan violation.
Kabilang ditoy ti saan a panagimet ti Certificate of Registration, updated Official Receipts, ken lisensiya.
Maibasar iti official report ti HPG, awan ti nakita a na-karnap wenno recovered vehicles kadagiti na-inspect a lugan ngem sumagmamano kadagiti private car a simrek iti uneg ti police camp ket agus-usar ti unauthorized accessories ken insignia.
Agtultuloy ti nasao nga inspection kas paset iti panang-siguro ti HPG iti amin a pulis a naka-assign idiay Crame a sumursurot iti traffic and registration laws ti pagilian.
