LA UNION – Isagsaganan dagiti pannakabagi ti liteg iti agtutuon a kaso kontra ti high value target (HVT) drug personality gapu iti panagikot daytoy iti droga ken pampabittak idiay Barangay Disso-or ili ti Bauang, La Union.
Nabigbig ti suspek a ni Jimmy Elivado, 54, residente ti nasao a lugar.
Naammuan ti Bombo Radyo, agpada a rinaut dagiti tauhan ti Philippine Drug Enforcement Agency (PDEA) ken Bauang Police Station ti pagnanaedan ti suspek awit ti search warrant nga inyatnag ni Bauang, La Union Regional Trial Court (RTC) Branch 67 Judge Ferdinand Fe.
Nakompiskar manipud iti uneg ti balay dagiti nakabalkot a marijuana ken maysa nga M203 grenade.
Kabayatanna, naglibak met ti suspek a kukunana dagiti nadakamat a banag a nadiskobre iti uneg ti pagnanaeadna a balay.
