BR LA UNION – Pinatgan ti International Criminal Court (ICC) iti agpada a kadawatan ti kampo ni sigud a President Rodrigo Duterte ken prosekusyon nga agnayon kadagiti ebidensiya para iti confirmation of charges hearing iti sumaruno a lawas.
Iti desisyon a naiyetnag idi Pebrero 20, pinaboran ti Pre-Trial Chamber I iti maikadwa a request ti depensa nga agnayon iti “items” iti listaan dagiti ebidensiya ken ti kadawatan ti prosekusyon nga agnayon ti 14 items iti list of evidence.
Iti kapada nga aldaw, kinumpirma ti prosekusyon a saan da a kontraen iti panagawat ti material a nakalista iti Annex A ti request ti depensa ken kiniddaw iti Chamber nga awaten ti 14 items iti listaan ti ebidensiya, ken nailawlawag nga awan ti panangkontra iti biang ti depensa.
Inlawlawag met ti ICC Pre-Trial Chamber I nga adda naan-anay a rason tapno ipaay dagiti nasao a kadawatan a saan a mangigubway ti undue prejudice wenno perdisyon ti agsumbangir a benneg.
Immunan nga imannugot ti nasao a Chamber iti kadawatan ti sigud a presidente a saan a sumango iti confirmation of charges iti sumaruno a lawas.
