Impaganetget ti Department of Justice a saan nga mabalin nga arestaren wenno isyuhan ti subpoena ti International Criminal Court dagiti indibidwal nga adda pakainaigan na iti imbestigasyon ti war on drugs iti napalabas nga Duterte administration.
Segun kenni Justice Undersecretary Raul Vasquez, nupay mabalin nga mapan ditoy pagilian dagiti pannakabagi ti International Criminal Court, saanen a miyembro ti Pilipinas iti treaty a nangaramid iti daitoy a tribunal.
Ummikat iti pagilian ti sidong idi napalabas nga Presidente Rodrigo Roa Duterte.
Apaman isayangkat ti ICC ti nasao nga coercive actions, sanguen da iti consequences nga ipaulog dagiti law enforcement agencies.
Inaramid ti opisyal ti Department of Justice iti statement kalpasan a kinuna ni Justice Secretary Jesus Crispin Remulla a saanen nga arapaap ti Pilipinas ti International Criminal Police Organization (Interpol) apaman i-tap daitoy tapno maimplimenta ti posible nga arrest order kontra kadagiti personalidad a mainaig iti drug war.
Ngem segun iti DOJ, ti ICC ken Interpol ket dua a nagsina nga lupon nu sadino ipaulog ti Interpol ti arrest order ditoy PH nga dumalan latta iti proseso.
Immunan a kinumpirma ni Justice Secretary Jesus Crispin Remulla a naawat ti Pilipinas ti request manipud iti ICC tapno tumulong a makikoordinar kadagiti imbestigador-da ti lima nga indibidwal a na-tag kas suspek ti drug war investigation pakairamanan ni sigud a Philippine National Police Chief ken agdama nga Senador Ronald Dela Rosa, sigud a PNP Chief Oscar Albayalde ken tallo nga dadduma pay nga aktibo nga opisyal ti PNP.
