BR LA UNION – Inbasura ti Manila Prosecutors Office iti illegal assembly charges kontra iti 10 a Senatorial candidates ti Makabayan ken 3 nga aktibista gapu iti kinakurang ti ebidensiya a mangituloy iti kaso.
Ti nasao a kaso ket indatag ti Philippine National Police (PNP) idi Disyembre 17, 2024 ket inakusaran da dagiti respondents iti panaglabsing ti Batas Pambansa Bilang 880 wenno saan da a nangisayangkat ti natalna nga asembliya ken assault, banag a saanda a nagtulnog kadagiti otoridad iti insayangkat da a protesta idi Bonifacio day, Nobyembre 30 ti napalabas a tawen.
Maipagarop a napaay dagiti complainants a mangidatag ti ebidensiya tapno paneknekan a saan a nakapya iti protesta.
Kinuna pay ti piskal nga awan ti ebidensiya a mangpaneknek a dagiti 10 a kandidato a senador ken 3 nga aktibista ti nang-organisar iti nasao nga okasyon.
Awan met iti ebidensiya a nagsagrap ti sugat dagiti pulis. Nailanad pay iti resolusyon nga uray namnamaen nga adda dagiti isolated instances of commotion iti mass rally, saan a kayat a sawen a saan a natalna ti sibubukel nga event.
