Naisublin ti Imahen ti Hesus Nazareno idiay Minor Basilica ken National Shrine of Jesus the Nazarene wenno Quiapo Church.
Eksakto nga alas 1:26 ti parbangon ita a Biernes, Enero 10, 2025 idi naiserrek ti Imahen ti Hesus Nazareno sadiay Minor Basilica.
Dimmanon ti dagup a Traslacion iti 20 nga oras, 45 a minutos, ken 4 a segundo, no sadino ket nakapanaw ti andas manipud Quirino Grandstand iti alas 4:41 ti bigat idi Huebes, Enero 9, 2025.
Maibasar kadagiti otoridad ket mapattapatta a nasurok walo a milion a deboto ti timmabuno iti a tawen ti Traslacion.
Dakdakkel daytoy a bilang ngem idi napalabas a tawen a mapattapatta nga 6.5 milion a tattao met ti timmabuno ken nagpaut laeng ti Traslacion iti 14 nga oras, 59 a minuto ken 10 a segundo.
Adda ti pannakatantan ti panagdalyasat ti andas gapu iti panangsabat dagiti deboto.
Daytoy ti umuna a selebrasion sipud idi naideklara ti piesta ti Hesus Nazareno kas “national feast” kadagiti amin a dioceses ditoy pagilian.
