Dumanonen iti dandani maysa a bilion a pisos ti pannakadadael ti Bagyo Julian iti sumagmamano a rehion ditoy pagilian.
Segun iti National Disaster Risk Reduction and Management Council (NDRRMC), karaman ti Region 1 wenno Ilocos Region kadagiti nakaro a naapektaran nga nakairekord iti P378 million a pannakadadael.
Sinaruno ti Region 2 wenno Cagayan Valley iti P145-M; ken P37-M iti Cordillera Administrative Region (CAR).
Karaman kadagiti naapektaran ket ti flood control, pasdek, kalsada ken rangtay.
