Inlawlawag ti Department of Justice a saan a maapektaran iti imbestigasion dagiti maanomalia a flood control projects kalpasan nga inbasura ti prosekusion dagiti sumagmamano a ‘tax cases’ kontra kenni Sara kenni Curlee Discaya.
Segun kenni Justice Spokesperson Atty. Polo Martinez, iti isyu ti tax liability ket awan pakainaiganna kadagiti pending flood control cases a sangsanguenda.
Impasigurado ti ahensia nga agtultuloy iti imbestigasion.
Ti pannakabasura dagiti tallo a tax cases ket gapu ta inkeddeng ti prosecution a saan nga ‘importers’ iti agassawa.
Maibasar iti linteg, awan ti pagsungbatan dagiti Discaya gapu ta ti ‘excise tax’ ket responsabilidad ti importer.
Nakatuding met nga idatag ken ipila ti departamento iti Court of Tax Appeals dagiti tallo a ‘tax case’ kontra kadagiti Discaya.
Segun ti nagbalin a resolusion ti prosekusion, nakitaan ti ‘prima facie evidence with certainty of conviction’ iti alegasyon iti sangsanguen da a reklamo.
Partikular a mapilaan dagiti agassawa ti kaso a panaglabsing ti section 154 ken 155 ti National Internal Revenue Code.###
