Agtultuloy ti isaysayangkat nga imbestigasyon dagiti otoridad iti napasamak a pammaltog idiay Brgy. Darigayos, Luna, La Union agarup alas-3:50, biyernes iti malem, June 25, a nakatayan ti 63-anyos a mister.
Nabigbig ti biktima a ni Santiago Asuncion iti Brgy. Sucoc Norte, ngem agdama nga agnanaed iti Brgy. Darigayos iti nadakamat nga ili.
Base iti inisyal nga imbestigasyon dagiti otoridad, daldalyasaten ti biktima ti laud a direksyon ti kalsada aramat ti manmanihwenna a motorsiklo idi pinaltugan daytoy iti saan pay a nabigbig a suspek kasaruno ti panaglibas daytoy agturong iti saan a maammoan a direksyon.
Iti follow up investigation dagiti otoridad, nagsagaba iti uppat a tama iti naduma duma a paset ti bagi ti biktima babaen iti saan pay a madetermina a kalibre iti paltog.
Naamwan a paawiden ti biktima idi napasamak iti insidente.
Mannarimaan pay laeng itatta nga amamwen dagiti otoridad ti motibo iti krimen ken ti pakabigbigan ti suspek.
