Suportado iti napigsa nga ebidensya dagiti alegasyon iti impeachment case a naipila kontra kenni Vice President Sara Duterte.
Daitoy ti waragawag ni Surigao del Norte Representative Robert Ace Barbers nga isu ket lead chairman iti House Quad Committee.
Kinunana daitoy kas sungbat iti kinuna ni Bise Presidente a saan na amet a pinangtaan ti biag da Presidente Ferdinand R. Marcos Jr., First Lady Liza Araneta Marcos, ken Speaker Ferdinand Martin G. Romualdez.
Kabayatanna, nalawag met nga inaramid ni VP Sara ti panagpangta idi Nobyembre 2024 ken dagos pay daitoy a nagwaras iti social media – karaman daita iti Articles of Impeachment a pinermaan dagiti 215 a kongresista nga impasa ti Kamara de Representantes idiay Senado idi Miyerkoles.
Kinunana a rumuar tu metlaeng ti kinapudno iti impeachment trial ni VP Duterte sadiay Senado.
Segun kenni Barbers, nupay saan isuna nga abogado ket umdas met kano iti ebidensya tapno suportaran dagiti alegasyon ti impeachment.
Impaganetget na nga adda kadagiti senator-judges ti responsibilidad nga adalen dagiti pammabasol ken dagiti ebidensya.
Kas sungbat iti damag, kinuna ni Barbers a narigat nga ipablaak nga aglosolosen ni VP Duterte tapno saanen a gumastos iti tattao para iti impeachment trial.
