BR LA UNION – Saan a matuloy iti nakatuding nga implementasyon ti full cashless toll collection iti expressways nga immuna a naituding inton Marso 15.
Daytoy iti inyanunsyo ti baro a dutok a Transportation Secretary Vince Dizon.
Kinuna na a nangipaay ti direktiba iti Toll Regulatory Board tapno suspendiren daytoy.
Para kenni Dizon, saan pay a naipanawen a maipatungtpal iti full cashless toll collection.
Kinuna na a nakita nu kasatnu a nagsisinnallupang dagiti behikulo idi immuna a naipatungpal ti cashless toll collection.
Inwaragawag ti sekretaryo a kasarita na nga umuna dagiti toll operators ti NLEX ken SLEX tapno kitaen nu episyente iti sistema dagitoy.
