LA UNION – Dead on arrival iti ospital ti 58-anyos nga misis kalpasan daytoy a nagbekkel iti uneg ti pagtaenganda idiay ili ti Agoo, La Union.
Iti pannakiuman ti Bombo Radyo kenni SPO1 Brian Alvin Cabe, chief investigator ti Agoo Police Station, kinuna na a nakita laengen dagiti kakaduana iti balay nga nakaibitin iti bagi ti misis iti uneg ti silid na.
Maysa a nylon rope ti inausar iti nasao nga ina iti panagbekkel daytoy nga ingalot na iti tingged na ken iti atep ti balay da.
Makunkuna a nagbekkel ti misis gapu iti depression kagiddan iti pannakailagip ti ma-ika-11 nga anibersaryo ti pannakatay ti anak na.
