Inruaren ti Aircraft Investigation Bureau ti India iti preliminary report maipanggep iti panagsuwwek ti Air India idi napalabas a bulan ti Hunyo.
Maibasar iti imbestigasyon, maipagarop a naputed iti fuel control switches iti cockpit ti Boeing 787 Dreamliner a rason iti saan a panagkarga ti fuel iti makina.
Daytoy met laeng iti nakita a rimuar iti black boxes pakairamanan iti 49 hours flight data ken dua nga oras a cockpit audio.
Addaan ti kapartak nga 180 knots iti eroplano idi makapasar dagiti dua a makina ti “fuel cutoff”.
Mangeg iti audio recording a dinamag ti piloto no apay ta pinuted na ngem pinaglibakan daytoy ti kadua na a piloto.
Masarakan iti fuel cutoff iti nagbaetan ti dua a piloto ken addaan daytoy ti locking mechanism tapno maliklikan nga aksidente a magaraw.
Iti flight captain ket maysa a 56-anyos a lalaki nga addaan ti 15,000 nga oras iti career daytoy bayat nga iti maikadua ket 32-anyos nga addaan met ti 3,400 flying hours.
Maipalagip nga idi Hunyo 12 ket naggapo iti eroplano iti Sardar Vallabhbhai Patel International Airport ken agturong idiay London idi nagsuwwek daytoy ken maysa laeng iti nakalasat.
Dagiti pimmusay ket dumanon ti 242 a pasahero ken dua a crews a buklen ti 169 Indian nationals, 53 a Briton, 7 a Portuguese, ken maysa a Canadian. #
