LA UNION – An-anopen itan dagiti otoridad dagiti suspek a nangitaray iti kuarta ti maysa nga Indian National idiay Barangay Ili Norte, San Juan, La Union.
Nabigbig iti biktima a ni Chonan Satnam, 34, baro, collector, residente ti Barangay Lingsat ditoy probinsya.
Immuna ditoy, nagturong ti biktima iti maysa nga shop tapno agsingir ngem kabayatan nga ur-urayen na ni Juliet Ablao idi kellaat daytoy nga inasetgan ti dua a suspek kagiddan ti panangitutok ken nangideklara ti robbery-holdap.
Intaray dagitoy ti collection na a P40,000, maysa a cellphone ken inaramatda pay a gate away vehicle ti motorsiklo ti biktima.
Iti insayangkat a follow-up operation dagiti otoridad ket narekobre dagitoy ti motorsiklo ti biktima nga imbati dagitoy iti igid ti kalsada idiay Barangay Taboc, iti ili ti San Juan.
Agtultuloy met nga am-amuen dagiti otoridad iti pakabigbiggan dagiti suspek.
