Pummirma ti katulagan ti Pilipinas ken Indonesia para iti naan-anay a panagpaawid kenni Mary Jane Veloso ditoy pagilian.
Kinuna ni Justice Undersecretary Raul Vasquez, nakataripnong na ni Indonesian senior law and human rights minister Yusril Ihza Mahendra idiay Jakarta ket idiay a naangay ti panagpirma ti katulagan.
Kalpasan ti panagpinnirma ket addaan to ti panagsarita dagiti otoridad kadagiti sumagmamano a detalye iti embahada ti Pilipinas idiay Jakarta mainaig iti panangiyakar kenni Veloso.
Kabayatanna, mabalin met a saanen a dumanon ti Disyembre 25 ti panagpaawid kenni Veloso ditoy Pilipinas.
Innayon pay ni Yusril a nakalanad ti katulagan ti kaadda ti sibubukel nga obligasyon ti Pilipinas ti panangipaay ti guidance kenni Veloso.
Panangilawlawag ni Vazquez, awan ti intukon a kondisyon ti gobierno ti Indonesia ti nasao a panagpaawid.
Maipalagip a naispal ni Veloso ti dusa a bitay idi 2015 kalpasan ti panagbalin na a drug courier.
