LA UNION – Planplanuen ti Indonesian Coast Guard (BAKAMLA) ken Philippine Coast Guard (PCG) no kasano nga ad-adda a mapalawa ti panagtinnulongda tapno maitandudo ti maritime cooperation.
Daytoy ket kalpasan ti panagtaripnong a naangay iti nagbaetan ti dua a Coast Guards a sadiay a napagsasaritaan ti posibilidad ti joint training, sumagmamano a maritime challenges, ken dadduma pay nga aspeto ti bilateral relationship.
Idi sabado, simmarungkar ti Indonesian CG iti Pilipinas a indauluan ti director of sea operation, First Adm. Basri Mustari a sinangaili ni PCG commandant Adm. Ni Ronnie Gil Gavan.
Segun iti pannakangiwat ti PCG a ni Rear Adm. Armando Balilo, naipamaysa ti panagtaripnong dagiti dua iti panangtaming dagiti parikut ken pannakapapigsa ti kabaelanda, pannakaipatungpal ti maritime law enforcement, ken marine environment protection.
Inyunay-unay ni PCG Commandant Gavan a kasapulan ti kaadda ti standard protocol para kadagiti kameng ti ASEAN Coast Guard Forum (ACF), partikular ti Southeast Asia Protocols for Engagement ken Sea between Coast Guard ken dadduma pay a Maritime Law Enforcement Agencies (SEA-PEACE)
Ti nasao a protocol ket mangikeddeng kadagiti gagangay a pagannurotan para kadagiti ASEAN Coast Guards bayat iti enkuentro ti kabaybayan.
Binisita pay ti Indonesian CG ti sumagmamano a napateg a pasilidad ti PCG kas iti Fleet Education Training Development Institute idiay Balagtas, Bulacan ken ti capital ship ti PCG, BRP Melchora Aquino.
