Ngimmato iti inflation rate ti Pilipinas idi napalabas a bulan ti Hunyo agdama a tawen, kalpasan iti nagsasaruno a panagbaba daitoy iti las-ud ti uppat a bulan.
Segun iti Philippine Statistics Authority, ngimmato iti 1.4% iti inflation manipud iti 1.3% idi Mayo.
Maitunos daytoy iti initial forecast ti Bangko Sentral ng Pilipinas nga adda iti nagbaetan ti 1.1% agingana 1.9% iti inflation rate ti bulan ti Hunyo.
Iti pakabuklan nga inflation para iti tawen 2025 ket 1.8%, nababbaba ngem iti target ti gobierno a 2% agingana 4%.
Kenuna ni National Statistician Claire Dennis Mapa, iti kangrunaan a makagapo ti panagngato ti inflation ti pagilian ket iti napartak a panagngato ti presiyo ti pabalay, danom, kuryente, gasolina, ken dadduma pay a petrolyo.
Ngimmato iti presiyo dagitoy a kategorya ti 3.2% ken addaan ti kadakkelan a paset na a 63.3% iti pakabuklan nga inflation.#
