Dumanon metten iti P8,745,923.23 ti inisyal a nadadael iti sektor ti agrikultura gapo iti agtultuloy panagraira iti bagyong Carina, segun dayta iti National Disaster Risk Reduction Management Council.
Dakkel a paset daitoy iti talon manipud Northern Luzon a kangrunaan a naapektuan ti Bagyo.
Nairekod ti NDRRMC ti agingga 748 a mannalon magsasaka ken mangngalap iti naapektuan.
Iti dasig ti Department of Agriculture(DA), immunan a nagpakdaar iti ahensya kadagiti mannalon mainaig iti panaglayos a mabalin nga igubuay iti agtultuloy a napigsa a tudo.
Segun iti DA, nakasaganan dagiti tulong a mabalin a maipaay kadagiti mannalon a naapektuan ti bagyo.
Pakairamanan ditoy ti nasurok 70,000 a sako ti bin-i ti pagay, agarop 40,000 a sako dagiti bin-i ti mais, ken agarop 60,000 a sako ti bin-i iti high value commercial crops.
Nakasagana payen iti Quick Response Fund a mabalin a mausar para iti rehabilitation kalpasan iti panagraira iti Bagyo.
