LA UNION – Imbutaktak ni sigud a Police Colonel Eduardo Acierto iti House Quad Committee a dinedma ti administrasyon Duterte ken sigud a PNP Chief Ronald Dela Rosa iti intelligence report mainaig iti pannakairaman da sigud a presidential adviser Michael Yang ken negosyante a ni Allan Lim iti mapapati nga operasyon ti illegal a droga.
Iti panagparang ni Acierto iti komite, impudno na nga adda ti shabu laboratory nga agtartaray ditoy pagilian.
Dinakamat na ti shabu lab idiay Antipolo, Mandaue idiay Cebu ken diiay Davao City.
Iti report na a mangibagbaga iti involvement ti dua a personalidad a nasinged ken ni sigud a Presidente Rodrigo Duterte ket nabukel idi 2017.
Kinuna pay ni Acierto nga insubmitir na ti intel report kenni sigud a PNP Chief Ronald Dela Rosa ngem awan ti napasamak iti nasao a report .
Inasitganna pay ni sigud a PNP Chief Oscar Albayalde ngem awan latta ti napasamak iti report.
Imbutaktak pay ni Acierto a maysa kadagiti kakaduana a nangaramid iti report ti nakidnap, mapukpukaw pay laeng ken ti maysa pay ket napaltogan ken natay.
Kinumpirma pay ni Acierto a nagsumite pay ti report kenni sigud a PDEA Director General Aaron Aquino ken imbaga na nga isumite na daytoy idiay Malakanyang.
