Iti baet ti pammabalaw dagiti lokal a progresibo a grupo maikontra iti inisyatiba a “Pax Silica” ti Estados Unidos, sumagmamano nga internasyunal nga aktibista kas kada Swedish climate activist Greta Thunberg ken Australian missionary Sister Patricia Fox iti nakikadwa iti panawagan a “Reject Pax Silica.”
Iti likod ti tarigagay ti nasao a proyekto, a segun iti gobyerno ti Estados Unidos ket mangipaay ti nagduduma a benepisyo iti teknolohiya, trabaho, ken ekonomiya ti pagilian, nabayagen a madil-dillaw iti nasao a proyekto gapu iti okuparenna a 1,620 ektarya a daga idiay New Clark City a nakatuding a pakaipatakderan ti maysa nga AI industrial hub.
Ti nasao a daga ket maysa a sagrado a pagtaengan iti komunidad ti Aeta a makunkuna a mangdadael iti natural a kinabaknang ti nasao a lugar, isunga nakiraman iti nalatak a Swedish environmentalist ken climate activist a ni Greta Thunberg kontra iti nasao a plano.
Kinuna na a ti daga ken kinabaknang iti nasao a lugar ket para laeng iti komunidad ken aglawlaw, saan ketdi a para iti giyera ken ambisyon dagiti imperyalista a bileg.
Malaksid kenni Thunberg, kontra pay iti Australian missionary sister ken human rights defender a ni Sister Patricia Fox.
Inaramid na iti waragawag tapno kontraen iti manamnama a panagdar-ay ni US President Donald Trump iti 49th ASEAN Summit ken iti nasao a proyekto ti Estados Unidos, agsipudta daytoy ket addang kunana iti panangsakop ti ekonomiya ken militar, pananggundaway iti natural resources ti pagilian.
Kinondinar pay ni Sister Fox iti pannakipaset ni Australian Prime Minister Anthony Albanese iti nasao nga inisyatiba.
