Nagpakdaar ni Iranian Supreme Leader Ayatollah Ali Khamenei a nakasagana ti pagilain da a bumales iti aniaman a klase ti opensiba kasaruno ti maawagan kas 12-day war da iti Israel.
Manipud iti panagbetla na a naipabuya iti state TV ket dinayaw ni Khamenei ti tured iti Iran kontra ti Israel nga inawagan na nga aso ti Estados Unidos.
Mainaig paylaeng daitoy kadagiti nagsasaruno a panagbomba ti Estados Unidos ken Israel kadagiti tallo a nuclear facility ti Iran a segun kenni Trump ket nakapadas iti nalawa a perdisyon.
Segun kenni Khamenei, nakarkaro pay iti agbalin a panangibales da, nu kasapulan.
‘In both the diplomatic and military fields, whenever we enter the stage we do so with our hands full and not from a position of weakness’
Kabayatanna, kumarkaro met iti pressure manipud Estados Unidos ken kadagiti pagilian idiay Europa a rugian manen iti nuclear talks sakbay nga agleppas iti bulan ti Agosto.
Immunan nga inwaragawag ti France a mabalin nga agsubli iti sangalubongan a pannusa nu awan iti mapartuat da a katulagan.
