La Union – Agtultuloy ti panagturong dagiti bisita iti maysa nga isla a naadaw iti pribado nga parte ti babae idiay Barangay Paraoir, Balaoan, La Union.
Iti pannakiuman kenni Barangay Kagawad Goege Nelmida, umabot iti 200 ti agturturong idiay Immuki Island no adda sirrek dagiti estudyante, kabayatan a 500 agingga 1000 met tunggal weekends.
Kinuna na, kadawyan a daydaywen dagiti bisita iti nalammiis a danom iti isla nangruna ita a nabara ti panawen.
Malaksid iti nasao a bilang, namnamaenda met a mas umado pay ti agturong iti isla ita nga umadanin ti Nangina nga Aldaw.
Sakbay a naawagan nga Immuki Island ti lugar ket aw-awaganen daytoy dagiti Ilokano a Kaparingitan.
