Binallasiw ti Philippine Red Cross (PRC) team dagiti sumagmamano nga isolated area ti Cagayan a dinuprak ti bagyong Ofel.
Nangusar iti PRC kadagiti pasilidad da tapno maballasiw ti bangir ti San Jose Bridge idiay Gonzaga, Cagayan a nadadael ken nagudwa gapo iti kinapigsa ti danom ti layos a naggapo kadagiti kabantayan.
Malaksid pay iti dayta ket nangisayangkat pay da pay iti assessment tapno maamwan nu anya dagiti pagkasapulan dagiti tattao a mabalin nga maipaay ti humanitarian group.
Nakasagana a mangited ti tulong iti PRC kadagiti biktima ti didigra kabayatan iti panangammo da nu anya pay dagiti mabalin a maitulong a maipaay da kadagiti sumarsaruno pay a misyon.
Maniud iti first aid, adda pay iti tugot da a taraon ken dadduma pay nga alikamen a mabalin nga usaren dagiti biktima a narigat a madanon kadagiti regular a relief supplies gapo kadagiti nadadael a rangtay ken nagkaiwara a debris nga imbati ti nagsasaruno a bagyo.
