Ginandat ti Israel a patayen dagiti political leaders ti Hamas idiay Qatar babaen ti airstrike.
Inladawan daytoy ti Estados Unidos kas maysa a unilateral attack ken saan a karaman daytoy iti interest da.
Immunan a dinepensaan ti Israel iti nasao a panagraut, ngem inawagan daytoy ti Qatar kas maysa nga ‘state terrorism‘.
Segun kenni Qatari Prime Minister Sheikh Mohammed bin Abdulrahman al-Thani, maysa a pangta dagiti airstrikes partikular iti panakawaswas ti peace talks nga ilunglungalong ti Qatar iti nagbaetan ti Hamas ken Israel. Banag a pinaboran ti Saudi Arabia, Egypt, United Arab Emirates, ken European Union a nangkondena met laeng iti panagatake.
Kabayatanna, kenuna ti Hamas a lima kadagiti miembro da iti pimmusay pakairamanan iti anak a lalaki ti na-exile a Gaza chief ken top negotiator a ni Khalil al-Hayya.
Innayon da pay, napaay iti Israel iti gandat a mangpatay iti ceasefire negotiation team ti grupo.
Iti napasamak nga airstrike ket kalpasan nga inako ti Qassam Brigades (Armed wing ti Hamas) iti responsibilidad iti napasamak a pammaltog iti maysa a bus stop idiay Jerusalem a nakatayan dagiti innem nga indibidual.###
