Maipaayan dagiti residente ti Gaza dagiti tents ken shelter equipment kas panagsagana iti relokasyon kadakuada manipud kadagiti combat zones tapno masigurado iti kitalged da, kasaruno iti plano ti Israel a mangisayangkat ti kabarwan nga opensiba tapno tagikuaen iti northern Gaza City.
Pagdandanagan met iti United Nations Office for the Coordination of Humanitarian Affairs iti plano ti Israel a panangiyalis kadagiti umili gapo ta mangpataud laeng daytoy ti ad-adda pay a panagsagaba.
Segun kenni Palestinian militant faction Islamic Jihad, maysa a kaalyado ti Hamas, nabatad nga iti nadakamat nga anunsyo ti Israel ket mangtagtagiawan iti international conventions.
Inrugin ti Israeli forces dagiti operasyon da kadagiti kabangibang a lugar ti Gaza City kadagiti napalpalabas a lawas, partikular idiay Zeitoun ken Shejaia.
Idi laeng biyernes ket impadamag da iti kabaruan nga operasyon idiay Zeitoun nga addaan panggep a dadaelen dagiti tunnels ken patayen dagiti militante iti lugar.
Maipalagip a nangrugi iti gubat kalpasan a rinaut ti Hamas iti southern Israel idi Oktubre 7, 2023 a nakatayan dagiti sangaribo ket dua gasut (1,200) nga indibidual ken dinukot dagiti dua gasut lima pulo ket maysa (251), segun kadagiti Israeli authorities.
