Dinipensaan ti liderato ti Philippine Navy ti Junior Officer-da a nairaman iti imbestigasion ti Philippine Offshore Gaming Operator iti senado.
Panggepda a dalusan ti naganna ta makuna a biktima laeng daitoy iti “identity theft”.
Palawag daitoy ni Philippine Navy Public Affairs Director Commander John Percie Alcos kalpasan ti pannakairuar ti impormasyon a pakainaigan ni Junior Officer Lieutenant Jessa Mendoza kas incorporator ti sumagmamano a Philippine Offshore Gaming Operations.
Inlawlawag ni Commander Alcos a nangisayangkaten iti team-da iti internal inquiry kadua ni Lieutenant Mendoza.
Lawlawagan daitoy dagiti alegasion ken no kasano a nainaig ti naganna iti nasao a banag.
Ipagpannakkel ti Philippine Navy nga awan iti dakes a record ni Lieutenant Mendoza iti dekada a panagserbi nan iti Philippine Navy.
Impalagip ni Alcos kadagiti amin a personnel ti Philippine Navy nga agannad iti online tapno saan a mabiktima iti “identity fraud”.
