LA UNION – Napintas a damag ti pannakapili ni Gilas Pilipinas naturalized player Justin Brownlee iti All-Star Five ti FIBA Olympic Qualifying tournament sadiay Riga, Latvia.
Uray napaay ti Pilipinas a simrek iti Olympics, naay-ayo latta ti FIBA ken ni Brownlee a naka-average iti 23.0 points, 8.3 rebounds ken 6.3 assists iti tallo nga ay-ayam.
Addaan met daytoy iti shooting average a 46.2 a percent manipud field ken 43.5 percent a long distance.
Segun iti FIBA, ti ay-ayam ni Brownlee ket dakkel a factor daytoy para ti Gilas Pilipinas.
Iti dasig ni Gilas coach Tim Cone, dominado ni Brownlee kadagiti ay-ayam a sadiay awan ti sabali a makatupag iti kinalaing ti agay-ayamna.
Kadua ni Brownlee iti listaan ni Bruno Cabocio, Leo Meindl ng Brazil , Rihards Lomazs ti Latvia ken Jeremiah Hill ti Cameron.
