LA UNION – Ginaboran ti puntos ti Gilas Pilipinas iti Hong Kong, babaen iti iskor a 93-54, tapno mamantinir iti nadalus a record dagitoy iti 2nd window ti FIBA Asia Cup 2025 Qualifiers, iti naisayangkat nga ay-ayam da idi rabii idiay Mall of Asia Arena.
Manipud rugi ket dinomina ti Gilas Pilipinas iti ay-ayam, babaen kadagiti dangkaw a players, isuda Kai Sotto ken Jun Mar Fajardo, tapno lalo a maiyadayo ti lamang ti Gilas.
Daytoy iti maudi nga ay-ayam ti Gilas ditoy pagilian para iti window 2, ken nagun-od da ti 4-0 a bentahe iti Group B.
Gaputi panangabak, naka-siguradon ti Gilas nga agsubli iti FIBA Asia Cup idiay Saudi Arabia inton bulan ti Agosto.
Ni laeng Dwight Ramos iti saan a nakaay-ayam gaputi calf injury.
Indaulwan iti panangabak ti Gilas ni Carl Tamayo a nakailista ti 16 points, lima a rebounds idinto a naka-aramid ti 13 points, tallo a rebounds ken tallo nga assists ni Justin Brownlee bayat a 12 points, 15 rebounds ken dua a blocks ni Kai Sotto.
Sumaruno a laban ti Gilas ket iti third window ti FIBA Asia Cup Qualifiers inton Pebreo 20 kontra Chinese Taipei ken New Zealand inton Pebrero 23, 2025.
