Nakastreken iti Philippine Area of Responsibility (PAR) ti Tropical Storm Kalmaegi ken addaan ti local name a “TINO”.
Naudi a nasaripatpatan iti sentro ti bagyo iti kaadayo a 955 km Daya ti Eastern Visayas ken agturong iti pa-Laud a direksion iti kapaspas a 30 km/h.
Kabuyog na iti maximum sustained winds a 85 km/h asideg ti tengnga ken gustiness nga aginggana 105 km/h.
Maibasar iti Tropical Cyclone Bulletin #1 ti DOST-PAGASA nga nairuar itay alas-onse, nakaibayog ti Signal No. 1 iti Eastern Samar idiay Visayas, kasta met ti Dinagat Islands, Siargao, ken Bucas Grande Islands idiay Mindanao.
Segun ti forecast track, kangrunaan a tumbuken ni TINO iti laud a direksion iti uneg ti tallo nga aldaw ken inisial nga ag-landfall idiay Eastern Samar wenno Dinagat Islands inton bigat (Nobiembre 3) ti rabii wenno inton Martes (Nobiembre 4) ti agsapa. Dalanan ti bagyo iti Visayas ken Palawan sakbay a rumuar idiay West Philippine Sea inton Mierkules (Nobiembre 5) ti bigat wenno ti malem.
Manamnama nga agtultuloy a pumigsa ni TINO ken posible a madanon iti typhoon category iti sumaruno a 24 nga oras. Saan met a matagiawan iti posibilidad a madanon na iti super typhoon catergory.
Agtalinaed met daytoy kas Typhoon uray mabalin a kumapsot gapo ti panagdalan na iti pagilian.
