BR LA UNION – Pimmigsa ti bagyo nga addaan ti international name nga Haishen ket maysa itan a Tropical Storm bayat nga adda pay laeng iti ruar ti Philippine Area of Responsibility (PAR).
Segun iti state weather bureau, itay alas 10:00 ti rabii (July 13), naudi a nasaripatpatan ti bagyo Haishen iti kaadayu a 1,090 km daya ti Eastern Visayas, kabuyog ti angin a 65 km/h asideg iti sentro ken kapegges a dumanon iti 80 km/h.
Agturturong iti amianan-a-palaud iti kapartak a 20 km/h.
Manamnama a sumrek iti Philippine Area of Responsibility (PAR) ita a bigat ti Martes (14 July) ken maikkan ti lokal a nagan a JOSIE.
Inton sumrek iti PAR, agtultuloy a dupagenna iti pa-amianan, ken agsikko iti amianan, amianan-a-daya agingga a rumwar iti PAR inton aldaw ti Miyerkoles (15 July).
Iti patta-patta ti PAGASA, ti bagyo Josie inton sumrek iti teritoryo ti Pilipinas ket kumapsot gaputi unfavorable environmental conditions.
