LA UNION – Agsidsidaaw dagiti residente nga agnanaed idiay igid ti baybay ti Barangay Dalumpinas Oeste, syudad ti San Fernando, La Union a personal a nakaimatang iti itlog ti pawikan gapu ta maysa manipud iti nasurok a 100 itlog daytoy ket addaan ti naidum-duma a langa.
Kambal ti maysa nga itlog.
Iti pannakiuman ti Bombo Radyo kenni Dalumpinas Oeste Barangay Chairman Alvin Alviar, sinabi kinunana a saan a naigagara a nadiskobre ti maysa a residente a magmagna laeng iti igid ti baybay dagiti itlog ti pawiak isu nga impakaammona daytoy kadagiti mangimatmaton iti turtle guardians hatchery ken ti barangay council.
Gapu ta maagaw-at iti dalluyon ti baybay ti inaramid nga umok ti pawikan ken inyalisda dagiti itlog iti hatchery area a masarakan met laeng iti nasao a barangay tapno saan a madadael dagitoy.
Kabayatan a bilbilangenda dagiti itlog ket nadlawda a kambal iti maysa kadagitoy.
Nagdekket iti dua nga itlog ti pawikan a kasla “capsule” no mamingmingan.
Maysa daytoy a naiduma-duma ken kaunaan a gundaway sigud iti kapitan a makakitada iti kambal nga itlog ti pawikan iti kinabayagdan a mangimatmaton iti hatchery area.
Inkalida met laeng ti nasao nga itlog ken mangnamnamada a karaman met laeng daytoy kadagiti mapissaan idiay hatchery area no dumteng iti umno a panawen.
