Nakigtot dagiti residente idiay Edison Street, Barangay San Isidro, Makati City kalpasan a nakangngeg da iti nagsasaruno a putok ti paltog, agarop alas 8:00 idi rabii, Biyernes, Agosto 1.
Maysa a kameng ti PNP Highway Patrol Group (PNP-HPG) ti nasugatan kalpasan a pinaltugan ti dua a suspek a riding-in-tandem iti batog mismo ti maysa a carwash.
Iti eksklusibo nga interview ti Bombo Radyo iti nakaimatang iti pammaltog ken akinkukua ti carwash ken kumare ti biktima a pulis a ni Elvie Ebero, hold up ti motibo dagiti saan pay a nabigig a suspek iti krimen.
Kinuna na nga inataray dagiti naglibas a suspek iti napuskol a kwintas a suot ti pulis.
Pumanaw koman iti biktima kadwa na ti anak na idi kellaat nga immasideg dagiti suspek iti pulis ken pinaltugan da daytoy.
Istorya pay ni Elvie, kumpare na iti pulis ken awan ti ammo na a kariri daytoy.
