BR LA UNION – Napaay iti kampo da sigud a Presidente Rodrigo Roa Duterte ken Sen. Ronald Bato Dela Rosa kalpasan a saan a pinatgan ti Korte Suprema ti Petition for Certiorari and Prohibition .
Daytoy ket para koma iti dagus a pannakairuar ti Temporary Restraining Order ken Writ of Preliminary Prohibition ken Mandatory Injunction tapno malapdan ti pannakaipatulod ni Duterte idiay The Netherland.
Kalpasan ti nagbalin a deliberasyon ti 94-pinanid a petisyon, kinuna ti Korte Suprema a napaay dagiti nagpetisyon a makabukel iti nalawag a rason iti dagus a pannakairuar ti TRO.
Mainaig iti daytoy, impaayan ti Korte Suprema ti 10 nga aldaw dagiti respondents iti petition a mangipaayda ti komento.
Kinumpirma pay ti SC a naawat dan iti kopya ti naidatag a dua a nagsina a petition for writ of habeas corpus iti sigud a presidente.
Indatag daytoy iti anak na nga isuda Davao City Mayor Sebastian Duterte ken Veronica A. Duterte.
