BR LA UNION – Inawagan ti abogado ni sigud nga Ako Bicol Rep. Elizaldy Co a ni Atty. Ruy Rondain, nga “imbento” wenno “fabricated” ti alegasyon ni Interior Sec. Jonvic Remulla nga arigna immakop ni Co iti binilyon a cryptocurrency iti ballasiw-taaw ken nangipasdek ti mansion idiay Forbes Park nga addaan ti 5-storey basement tapno pagilemmenganna ti kuwarta.
Segun kenni Atty. Rondain, ti basement ket split-type a para laeng kadagiti lugan, maiyannurot iti regulasyn ti nasao a village ken awan ti ebidensiya a maus-usar daytoy kas pagipempenan ti kuwarta.
Kinaritna ni Remulla nga ibaga nu siasino ti source na iti nasao nga impormasyon.
Maipalagip nga idi Martes, imbaga ni Sec. Remulla kadagiti media personnel a ti nagikkat a mammanday-linteg ket mapapati a mangipat-patakder ti 5-storey basement iti balayna idiay Forbes Park ngem maipagarop a naisardeng ti konstruksiyon idi timpuar ti iskandalo seknan iti anomalya kadagiti flood control projects idi Agosto.
Maipalagip a nagikkat ni Co idi Setyembre kalpasan a nairaman ti kompanya na a Sunwest Corp. kadagiti maipagarup a ghost ken substandard flood control projects idiay Oriental Mindoro.
Naipaulog ti arrest warrant kontra kenkuana ken iti sumagmamano nga opisyal, ket pinakanselar ti gobierno iti pasaportena.
Ni Co ken sigud nga House Speaker Martin Romualdez ket mairmraman iti kaso ti maipagaop a multi-billion insertions iti 2025 national budget.
