LA UNION – Nagpiyansa met laeng ti maysa a kapitan ti barangay kalpasan a maaresto daytoy idiay Barangay Bulalaan, ili ti Sudipen, La Union.
Nabigbig ti akusado a ni Kapitan Jerry Tamayo.
Naammuan ti Bombo Radyo manipud ti Sudioen Police Station, babaen ti warrant of arrest ng inyatnag ti Regional Trial Court Branch 34 ket tiniliwda ti nasao nga opisyal ti barangay gapu iti maipagarup a panaglabsingna iti Sec. 10 ti Republic Act 7610 wenno ti Anti-child Abused Law.
Umabot iti P40,000 ti intuding iti korte a piyansa para ti temporaryo a pannakaruk-at ni Tamayo.
Nagramut ti nasao a kaso gapu iti maipagarup a panangdangran ti kapitan iti maysa a menor de edad.
