Inruar ti sigud nga appropriations panel chair a ni Zaldy Co ti statement-na maipapan iti panagbabana manipud iti posision nga epektibo idi kalman.
Kinuna ni Co iti maysa a statement nga agyamyaman unay isuna iti mayorya iti chamber gapu iti panangawat iti desisionna nga agikkat kas chairman ti appropriations panel.
Kinuna ni Co nga inaramidna ti desision a nasakit ti nakemna.
Inbatad na a ti rason ket ti sakit na ken nasken nga ipamaysa na ti panangagas para iti salun-at, kasta met nga imbaga na nga saan nga angaw ti trabaho ti Appropriations committee gapu ta dakkel ti demand iti daitoy.
Agyamyaman unay isuna iti naited kenkuana a panagtalek, nangruna ti panagsagana iti pondo ti gobierno tapno matulongan dagiti kailian.
Impaganetget ni Co nga iti uneg ti tallo a tawen ket ipagpannakkel na ti Ayuda sa Kapos ang Kita Program wenno AKAP a nagbalin a kontrobersial.
Ipagpannakkelna a kas isponsor ti badyet ti gobierno iti 2023, 2024 ken 2025, impasigurado na a maitunos daytoy iti 8-point agenda ni Presidente Ferdinand Marcos.
Impasigurado ni Co ti kaadda ti pondo para kadagiti legacy initiatives ti gobierno kas iti health, housing and food security, partikular dagiti legacy hospitals ken contract farming ket agtalinaed a highlight ti serbisiona.
