Maisagsaganan ti kaso a maidatag kontra iti dua nga suspek a nangsirrek ti maysa a pagtaengan idiay Barangay Paringao, Bauang, La Union.
Maipalagip, simrek dagiti suspek a da Nardito Galvan, 20, baro, ken ti 16 anyos a menor de edad iti pagtaengan ni Leonel Sangui. Nangngeg idi ni Sangui ti karasakas kagiddan ti pannakita na kadagiti suspek nga iggemdan dagiti coin purse a naglaon kadagiti alahas da kenni Roselyn Laydan, 31, addaan asawa, agpada nga residente ti nasao a lugar.
Nupay kasta, naala met laeng manipud iti kustodiya dagiti suspek ti 2 coin purse a naglaon 2 relo, 3 pcs ti silver ken gold accessories ken dadduma pay nga alahas.
