Nasampaanen ti kaso ti ama a nakapatay iti bukod na nga anak idiay Barangay Sinapangan Norte, Bangar, La Union.
Iti pannakiuman ti Bombo Radyo kenni PCI Rogelio Miedes, hepe ti Bangar Police Station, kaso nga parricide ti indatagda iti korte kontra iti suspek a ni Primitivo Mico, 65, tricycle driver.
Impaganetget pay ti opisyal a kuma maipawil metten iti panaginom ti arak agsipudta maysa daytoy kadagiti rason dagiti nadumaduma nga aksidente.
Maipalagip, binilin ti suspek iti anak na a mangala ti lisensya tapno makatulong iti panagpasada agingga a nagbanag iti saan a nagkinaawatan ti ag-ama.
