LA UNION – Inyanunsio ti Department of Transportation (DOTr) a posible nga agbalin nga operational ti kaunaan a cable car system ti pagilian inton tawen 2028.
Sigun kenni Department of Transportation (DOTr) Undersecretary Timothy John Batan, ti proyekto ti gobyerno a cable car ket naituding a maaramid iti las-od ti dua a tawen nu sadino nu kalpasan ti kontrata daytoy inton tawen 2026 ket posible nga agbalin nga operational daytoy inton tawen 2028.
Ti Antipolo Cable Car Project ket addaan panggep a mangkonektar iti MRT-4 Taytay Station iti Antipolo City.
Manamnama nga inton sumaruno a tawen ket maamoan ti gatad ti nasao a proyekto kasta met nu manu ti agbalin a passenger capacity daytoy.
Maipalagip nga idi administrasyon ni sigud a President Rodrigo Duterte ket naisingasing ti $100-million a Manila Urban Car Cable Project ti Department of Transportation (DOTr) ken daytoy ket nakasagana para iti panag-aprobar ti Investment Coordination Committee (ICC)
