LA UNION – ‘Everybody’s concerned.’
Daytoy iti impaganetget ni Gino Mabalot, head ti Municipal Disaster Risk Reduction Management Council wenno MDRRMC Officer idiay San Juan, La Union, kalpasan iti pannakatay iti dua a construction workers kabayatan ti panagtrabaho dagitoy iti nasao a lugar.
Imbalakad ni Mabalot kadagiti trabahador, a sakbay a sumrek iti trabaho, napateg a naka-kondisyon iti bagi ken ammo dagiti banag a maka-disgrasya iti lugar a pagtrab-trabahuan, tapno maprotektaran ti bagi manipud iti disgrasya.
Malaksid iti dayta, pagrebbengan met iti contractor wenno engineer a kitaen ken siguradwen iti kinatalged dagiti trabahador daytoy.
Maipalagip a dua a construction workers iti natay kalpasan a magaburan dagitoy a sibibiag iti daga manipud iti maipat-patakder a pasdek idiay Barangay Urbiztondo ti nasao met laeng nga ili.
