LA UNION – Dagus a nangirwar ti abiso iti Provincial Government of La Union (PGLU) babaen kenni Governor Rafy Ortega-David a suspendido ti klase ken trabaho ti intero a probinsiya ti La Union, ita nga aldaw ti Martes.
Maibasar iti social media post ti PGLU, para kadagiti agad-adal iti public ken private iti amin a tukad ken agtrab-trabaho iti gobyerno iti intero a probinsiya ti La Union, suspendido ti serrek ita nga aldaw, September 17, 2024.
Daytoy ket maysa a precautionary measure para iti kinatalged dagiti estudiyante ken mangmangged gaputi posible nga epekto ti Bagyo Gener.
Iti pribado a sektor, discretion ti management nu sumurot iti suspension.
Tuloy met ti trabaho dagiti frontliners ken responders iti tengnga ti bagyo Gener.
