LA UNION – Kinumpirma ni Speaker Ferdinand Martin Romualdez nga agtalinaed iti 2025 national budget ti pondo para iti Ayuda sa Kapos ang Kita Program (AKAP).
Gaputi dayta, nagyaman ni Romualdez kadagiti senador gaputi suporta iti AKAP.
Dinayaw na pay ni Committee on Appropriations chairman ken Ako Bicol Party-list Rep. Zaldy Co gaputa ballaygi a naidepensa na iti gakat a nasyunal a pondo.
Segun kenni Rep. Co, adda iti P26 billion a pondo para iti AKAP ti nailatang iti 2025 national budget.
Kabayatanna, nakasagana ti Kamara a mangibingay ti pondo ti AKAP kadagiti senador.
Segun kenni Speaker Martin Romualdez, nakasagana da a mangisayangkat ti arrangements kadagiti senador seknan iti AKAP funds nangruna ita a suportado daytoy dagiti senador.
Inlawlawag pay ni Speaker Romualdez, a ti AKAP ket maysa nga anti-inflation measure a nairanta a lapdan dagiti near-poor families nga agsubli iti kinakurapay gapu kadagiti saan a namnamaen a pasamak, kas iti sakit, pannakatay, wenno kalamidad ken mangipakita daytoy ti panangipateg ti Kongreso iti AKAP kas lifeline ti kaadwan a Pilipino.
