Dinutokan ni Pope Francis ni Cardinal Robert McElroy kas baro nga arsobispo ti Washington D.C.
Pagaammo ti kardinal kas manangidepensa kadagiti migrante ken kritiko ni US President-elect Donald Trump.
Ti 70-anyos a Kardinal ket nasinged a suportador ti Santo Papa iti panangidepensa kadagiti refugee, aglawlaw ken panangawat kadagiti kameng ti LGBTQ Catholics.
Sukatan daitoy ni Cardinal Wilton Gregory, 77-años, kaunaan nga African-American Archbishop ti Washington D.C.
Maigiddato iti dayta, dinutokan ti Santo Papa ti umuna a babai a lider ti Vatican department, ni Sister Simona Brambilla, nga agbalinto a prefect of the Holy See religious life office nga addaan iti responsabilidad kadagiti madre, monghe ken fraile.
