Sinigurado ni Senador Lacson a no mabaliktad iti desisyon ti Korte Suprema seknan ti Impeachment case kontra kenni Bise Presidente Sara Duterte, ket idauloan na iti mosyon tapno mapull out iti archive ti senado iti Impeachment complaint ken maingato manen iti impeachment court.
Maipalagip a ni Lacson iti agmaymaysa a nag-abstain nga i-archieve iti Articles of Impeachment kontra kenni VP Sara.
Segun iti Senador, posible a makadua na ni Senate Minority President Tito Sotto nga agmosyon tapno maala daytoy iti archive ken matalantan manen.
Immunan a kenuna ni Senator Win Gatchalian nga addaan ti dua a wagas tapno maisubli iti order of business ti Senado iti Articles of Impeachment kontra kenni VP Sara.
Kenuna na pay a mabalin a mapasamak daytoy babaen ti botos ti lima a senador tapno maala manipud iti Senate Archive iti impeachment complaint wenno panangsuspendir dagiti rules babaen ti botos ti mayorya wenno 13 a senador.
Inlawlawag na pay a masapol laeng a mangipila ti mosyon tapno maisubli iti impeachment case iti plenaryo ken pagbotosan. Uray man pay lima laeng ti umanamong ditoy, posible latta nga agtignay iti reklamo.
Nupay kasta, kenuna ti Senador a nakadependir latta iti desisyon ti Korte Suprema.#
