LA UNION – Na-ospital ti maysa a lalaki kalpasan a binagsol daytoy iti kainumanna idiay Barangay Taboc, ili ti San Juan, La Union.
Nabigbig ti biktima a ni Antonio Abad, 44, residente ti nasao a lugar.
Iti report a nakalap ti Bombo Radyo manipud iti San Juan Police Station, maipagarup a rimsua iti panagrikyar iti baetan ti biktima ken ti suspek a ni Emil James Narcida kabayatan iti panaginom dagitoy iti arak.
Maipagarup a maysa a kutsilyo iti inaramat ti suspek a nangbagsol iti bukot ti biktama.
Dagus met a naglibas ni Narcida kalpasan ti insidente.
Iti agdama, ur-urayen ti pulisya iti plano a panangidatag ti biktima iti reklamo kontra ti nasao a suspek.
