BR LA UNION – Inarestar dagiti otoridad ti maysa a lalaki a maipagarop a drug pusher, iti buy bust operation idiay Barangay Central West, Bauang, La Union.
Naisayangkat ti operasyon idi bigat kalman, Disyembre 5, 2025.
Ti suspek ket nabigbig kas 30-anyos, residente ti Barangay Camp 7, Baguio City.
Nakumpiskar dagiti otoridad manipud ti suspek iti maipagarop a 10 a gramo ti maatap a shabu, addaan ti standard drug price a P68,000 ken sumagmamano a piraso ti non-drug evidence.
Ti suspek ket naibalud idiay Bauang Police Station ken sumangsango iti kaso a panaglabsing iti Comprehensive Dangerous Drugs Act of 2002.
