LA UNION – Naglak-am iti sugat ti bagina ti maysa a lalaki gapu ti pammagsol idiay Barangay Legleg, ili ti San Juan, La Union.
Nabigbig ti biktima a ni Billy Abelgas, residente ti nasao a lugar.
Naammuan ti Bombo Radyo manipud iti San Juan Police Station, maipagarup a nakarikyar ti biktima ti suspek a ni Arnelfo Balmores a nagbanag iti pammagsol.
Dagus a naiturong iti ospital ti biktima tapno mataming ti nilak-amna a sugat.
Isagsagana metten ti pulisya ti kaso kontra ti suspek.
